Sunday, August 7, 2011

வெள்ளரிப்பழப் பச்சடி


தேவையான பொருட்கள்:

வெள்ளரிப்பழம் - 1 (நடுத்தர அளவு)
பச்சை மிளகாய் - 7
புளி - சிறிய எலுமிச்சையின் பாதியளவு
சீரகம் - 1/2 தேக்கரண்டி
தயிர் - 1 அல்லது 2 மேசைக்கரண்டி
எண்ணெய் - தாளிக்க
உப்பு - தேவையான அளவு

செய்முறை:

  • வெள்ளரிப் பழத்தைத் தோல்சீவி, சிறு துண்டுகளாக நறுக்கிக் கொள்ளவும்.
  • வாணலியில் எண்ணெய் விட்டு, காய்ந்ததும் சீரகம் தாளித்து, கீறிய பச்சை மிளகாய் சேர்த்து வதக்கவும்.
  • ஆறியதும், ஊறவைத்த புளி சேர்த்து மிக்ஸியில் ஒன்றிரண்டாக அரைத்துக்கொள்ளவும்.
  • இக்கலவையை வெள்ளரித்துண்டுகளுடன் சேர்த்துப் பிசறவும்.
  • தேவையான உப்பு, மற்றும் தயிர் சேர்க்கவும்.




குறிப்பு:

  • தயிர் சேர்க்காமல் இருந்தால் காரம், புளி சுவை இன்னும் நன்றாக இருக்கும்.
  • விருப்பமானால், இறுதியில் கடுகு பெருங்காயம் தாளித்துச் சேர்க்கலாம்.

கற்றுக் கொடுத்தது: திருமதி. சகுந்தலா கிருஷ்ணமூர்த்தி, தோழி

4 comments:

அமைதிச்சாரல் said...

கிட்டத்தட்ட நாஞ்சில் நாட்டு தயிர்ப்பச்சடிக்கு சகோதரி மாதிரி இருக்கு.. அருமை :-)

ஜெய்லானி said...

வெள்ளரிப்பழத்தில ஜுஸ் போட்டு குடித்துதான் பழக்கம் . இதுல பச்சடி முதல் தடவையா பார்க்கிறேன் .
:-)

பாச மலர் / Paasa Malar said...

ஆமாம் சாரல்..அதில் புளி சேர்க்க மாட்டீங்கன்னு நினைக்கிரேன்..இது ஆந்திரா பாணி..

பாச மலர் / Paasa Malar said...

அப்படித்தான் நினைத்தேன் நானும் ஜெய்லானி...ஆனால் இது வித்தியாசமாக நன்றாக இருக்கிறது..தயிர் சேர்க்காமல் செய்வதுதான் நன்றாக இருக்கிறது..

Post a Comment