Sunday, February 19, 2012

கார கோதுமை ரொட்டி

தேவையான பொருட்கள்:

கோதுமை மாவு - 1 கோப்பை
பொடியாக நறுக்கிய சின்ன வெங்காயம் - 1/2 கோப்பை
பொடியாக நறுக்கிய பச்சை மிளகாய் - 1 தேக்கரண்டி
மிளகாய்ப்பொடி - 1 தேக்கரண்டி
மல்லிப்பொடி - 1தேக்கரண்டி
ஓமம் - 1/2 தேக்கரண்டி
பொடியாக நறுக்கிய கொத்தமல்லித்தழை - தேவையான அளவு
பொடியாக நறுக்கிய கறிவேப்பிலை - தேவையான அளவு
உப்பு, எண்ணெய் - தேவையான அளவு

செய்முறை:
  • ஓர் அகலமான பாத்திரத்தில் கோதுமை மாவை எடுத்துக்கொண்டு, உப்பு, தேவையான அளவு தண்ணீர், சிறிது எண்ணெய் சேர்த்துப் பிசையவும்.
  • பின் வெங்காயம், பச்சை மிளகாய், ஓமம், மல்லிப்பொடி, மிளகாய்ப்பொடி, கொத்தமல்லித்தழை, கறிவேப்பிலை சேர்த்து நன்கு பிசைந்து  பத்து நிமிடம் அப்படியே வைக்கவும்.
  • மாவுக்கலவை அதிகம் இறுக்கமாகவும், இளக்கமாகவும் இல்லாமல் நடுத்தரமாக இருக்க வேண்டும்.

  • ரொட்டிக்குத் தேவையான அளவில் மாவுகளை உருண்டைகளாக உருட்டிக் கொள்ளவும்.
  • உருண்டைகளைச் சுற்றிச் சிறிது எண்ணெய் தடவவும்.
  • ஒவ்வொரு உருண்டையாக எடுத்து நெகிழிப் பைக்குள் (plastic cover) வைத்து ரொட்டி தட்டவும்.


  • அடுப்பில் தோசைக்கல், அல்லது சப்பாத்தி செய்யும் பாத்திரத்தை வைத்து, ரொட்டி சுட்டு எடுக்கவும்.
  • எண்ணெய் தேவையான அளவு ஊற்றி, இரண்டு பக்கமும் புரட்டி எடுக்க, ரொட்டி நன்கு சிவந்து வரும்.


குறிப்பு:

  • ரொட்டியை மேலும் காரம், மணம் மிக்கதாக மாற்ற உங்களுக்குத் தேவையான பொருட்களைச் சேர்த்துக் கொள்ளலாம்.
  • வாழையிலையில் வைத்து ரொட்டி தட்டினால் நன்றாக இருக்கும்.. அது கிடைக்காத போது நெகிழிப்பை பயன்படும்.
  • சற்றே மொறு மொறுப்பாக வேண்டுமானால், மாவு பிசையும் போது சிறிது ரவை சேர்த்துக் கொள்ளலாம். 
கற்றுக் கொடுத்தது: சிநேகிதி புத்தகத்தின் சமையல் இணைப்பு + எனக்குத் தோன்றிய உபரி கருத்துகள்

3 comments:

வல்லிசிம்ஹன் said...

நல்லா இருக்கு மலர் பார்க்க. கோதுமை அடை என்று அழைக்கலாம் போல அழகாவும் இருக்கு. நாளைக்கே செய்து பார்க்கிறேன்.

Asiya Omar said...

அருமை.

அமைதிச்சாரல் said...

நல்லாருக்குப்பா..

Post a Comment